پاکستان ماسٹر ٹین پن باؤلنگ چیمپئن شپ کب شروع ہوگی؟

0
40

پاکستان ٹوڈے: پاکستان ماسٹر ٹین پن باؤلنگ چیمپئن شپ کب شروع ہوگی؟۔ ٹین پن باؤلنگ کے شوقین کھلاڑیوں کیلئے خوشخبری۔

پاکستان ٹین پن باؤلنگ فیڈریشن کے زیر اہتمام پاکستان ماسٹر ٹین پن باؤلنگ چیمپئن شپ 27 اپریل سے لیزر سٹی بائولنگ کلب، جناح پارک، راولپنڈی میں شروع ہو گی۔ پاکستان ٹین پن باؤلنگ فیڈریشن کے صدر اعجاز الرحمان کا کہنا ہے کہ چیمپئن شپ کی تیاریاں زور و شور سے جاری ہیں ، اس چیمپئن شپ میں ملک بھر سے کھلاڑی حصہ لیں گے ۔

چیمپئن شپ میں دو کیٹگریز کے مقابلے رکھے گئے ہیں ،جن میں مینز سنگلز اور مینز ڈبلز کے مقابلے شامل ہیں، چیمپئن شپ میں شرکت کیلئے کھلاڑیوں کی رجسٹریشن یکم اپریل کوکھول دی گئی تھی اور چیمپئن شپ میں شرکت کی خواہش رکھنے والے کھلاڑی اپنے، اپنے ناموں کا اندراج 26 اپریل تک کروا سکتے ہیں۔

چیمپئن شپ 30 اپریل تک جاری رہے گی اور چیمپئن شپ کے منیز سنگلز کے مقابلوں میں اول آنیوالے کھلاڑی کو دو لاکھ روپے کی انعامی رقم سے نوازا جائے گا، جبکہ دوسرے اور تیسرے نمبر پر آنیوالےکھلاڑیوں کو بالترتیب ایک لاکھ روپے اور پچاس ہزار روپے کی انعامی رقم دی جائے گی۔

مینز ڈبلز کے مقابلوں میں اول آنیوالے کھلاڑی کو ایک لاکھ روپے کی انعامی رقم سے نوازا جائے گا، جبکہ دوسرے اور تیسرے نمبر پر آنیوالے کھلاڑیوں کو بالترتیب 50 ہزار روپے اور 25 ہزار روپے کی انعامی رقم دی جائے گی۔

Leave a reply