پی ٹی آئی رہنما ڈاکٹرشاہد قتل کیس میں اہم پیشرفت

رہنماتحریک انصاف اورنجی ہسپتال کےمالک ڈاکٹرشاہد صدیق کےقتل میں اہم پیش رفت ہوئی ہے۔
پولیس ذرائع کےمطابق آرگنائزڈ کرائم یونٹ اقبال ٹاون نے مقتول کے بیٹے قیوم کو حراست میں لے لیا ۔ او سی یو ٹیم نے قیوم شاہد کو ٹھوس شواہد پر حراست میں لیا ۔قیوم نے مبینہ طور پر شوٹر کی مدد سے والد کو قتل کروایا۔ ڈاکٹر شاہد کے قتل کا مقدمہ ان کے دوسرے بیٹے تیمور کی مدعیت میں درج کیا گیا تھا ۔
پولیس ذرائع کےمطابق مقتول ڈاکٹر شاہد صدیق کی نماز جنازہ بھی ان کے اسی بیٹے قیوم شاہد نے پڑھائی تھی۔باپ کی نماز جنازہ پڑھاتے ہوئے ملزم رو رہا تھا۔
ایف آئی آرکےمطابق قتل کے وقت ڈاکٹر شاہد کے ساتھ بیٹا قیوم اور بھائی ساجد بھی ساتھ تھے ۔ ڈاکٹر شاہد صدیق اپنی کار میں بیٹھنے لگے تو شوٹر نے آکر فائرنگ کردی ۔ بیٹا قیوم سامنے اپنی کار کے پاس موجود تھا۔