پی ٹی آئی سیاسی جماعت نہیں ایک فتنہ ہے،وزیراعظم

وزیراعظم شہبازشریف نےکہاہےکہ تحریک انصاف سیاسی جماعت نہیں ایک فتنہ ہے،کیاپاکستان کواس فتنےکےحوالےکیاجاسکتاہے؟
وزیراعظم شہبازشریف کی زیرصدارت امن امان کےحوالے اجلاس منعقدہواجس سےخطاب کرتےہوئےاُن کاکہناتھاکہ چنددن پہلےکےپی سےجوجتھہ اسلام آبادآیاانہوں نےتباہی کی،شرپسندوں کےحملوں میں قانون نافذ کرنے والے اداروں کے اہلکارشہیدہوئے،یہ وفاق پرتیسری ،چوتھی بارلشکرکشی تھی،2014سے پہلےایسےناپاک عزائم کاکوئی سوچ بھی نہیں سکتاتھا،احتجاج اوردھرنوں سے معیشت کو190ارب روپےکانقصان پہنچا۔
شہبازشریف کامزیدکہناتھاکہ ماضی میں دھرنےکےباعث چینی صدرکادورہ بھی ملتوی ہواتھا،انکی ہٹ دھرمیوں کی وجہ سےسی پیک میں اربوں کی سرمایہ کاری مؤخرہوئی،دنیاکےسامنےجوتماشالگایاگیااس کی مثال نہیں ملتی ،اس سےبڑی پاکستان کےساتھ اورکیادشمنی ہوسکتی ہے،سعودی وفودکے دورے کے دوران بھی انہوں نےدھمکیاں دیں،ایس سی اوکانفرنس کےدوران بھی چڑھائی کی گئی۔
اُن کاکہناتھاکہ کےپی حکومت اپنےسرکاری وسائل سےلیس ہوکراسلام آباد آئی ،2014میں126دن کےدھرنےمیں ملک کی رسوائی اورمعیشت کی تباہی ہوئی ،پاکستانی معیشت کوگہراگھاؤلگاجس کاتصوربھی نہیں کیاجاسکتا،معیشت میں استحکام آرہاہے،اسٹاک ایکسچینج ایک لاکھ پوائنٹس کراس کرگئی،خیبرپختونخوحکومت کوکسی چیز کااحساس نہیں،ملک کےساتھ دشمنی کرنےوالوں کےخلاف ایف آئی آرکاٹی جائیں،پی ٹی آئی سیاسی جماعت نہیں ایک فتنہ ہے،کیاپاکستان کواس فتنےکے حوالےکیاجاسکتاہے؟