کراچی کے مسافروں کیلئے خوشخبری،نئی بسیں پہنچ گئیں

پاکستان ٹوڈے: شہر قائد کےباسیوں کیلئے خوشخبری۔ بسوں کی نئی کھیپ کراچی پہنچ گئی۔ جلد نئے روٹس شروع کرنے کا اعلان کیا جائے گا۔

تفصیلات کے مطابق وزیر ٹرانسپورٹ  سندھ شرجیل میمن کا کہنا ہےکہ نئی بسوں کا فلیٹ کراچی پورٹ پہنچ گیا ہے، محکمہ ٹرانسپورٹ سندھ جلد نئے روٹس کا آغاز کرے گا۔ اس سے قبل 6 جنوری کو پیپلز بس سروس کےنئی بسوں کی کھیپ کراچی پہنچی تھی، جبکہ جون 2022 میں شروع کی گئی پیپلز بس سروس شہر کے مختلف حصوں میں 10 روٹس پر رواں دواں ہے۔

جو ہزاروں لوگوں کو ایئر کنڈیشنڈ بسوں میں سفر کرنے کی سہولت فراہم کر رہی ہے، حال ہی میں اس سروس کو حیدرآباد، سکھر اور لاڑکانہ میں بھی شروع کردیا گیا ہے۔ وزیر ٹرانسپورٹ سندھ کے مطابق پیپلز بس سروس کے تحت کراچی کے تمام بڑے روٹس پر مزید الیکٹرک بسیں چلائی جائیں گی۔