یوٹیلیٹی اسٹورز بند کرنے سے متعلق کوئی بات نہیں ہے،راناتنویر

وفاقی وزیر فوڈ اینڈ سیکیورٹی رانا تنویرنےکہاہےکہ یوٹیلیٹی اسٹورز کے ختم کرنے یا بند کرنے سے متعلق کوئی بات نہیں ہے۔
یوٹیلیٹی اسٹورز اور پاک پی ڈبلیو ڈی کی بندش سے متعلق توجہ دلاؤ نوٹس ایوان میں پیش کیاگیاتوجہ دلاؤ نوٹس آصفہ بھٹو زرداری، نوید قمر نفیسہ شاہ اور اعجاز جھاکرانی نے پیش کیا۔
آصفہ بھٹوکاکہناتھاکہ کیا یہ فیصلہ وفاقی کابینہ کا تھا اور اب حکومت فیصلہ واپس لے رہی ہے۔
وفاقی وزیرراناتنویرنےتوجہ دلاؤنوٹس پرجواب دیتےہوئےکہاکہ کابینہ میں بند کرنے سمیت تمام دیگر آپشنز پر بات کی گئی ۔یوٹیلیٹی اسٹورز کے ختم کرنے یا بند کرنے سے متعلق کوئی بات نہیں ہے، صرف تنظیم نو اور بہتر کرنے کی بات کی جارہی ہے ،ملازمین کاتحفظ یقینی بنایا جائے گاری سٹرکچرنگ سٹیک ہولڈرز کے مشورے کے ساتھ آگے چلیں گے،منسٹر انچارج کے طور پر کئی دفعہ کہا ہے کہ ری سٹرکچرنگ کی بات ہورہی ہے۔
راناتنویرنےمزیدکہاکہ پی ڈبلیو ڈی کے صوبائی پراجیکٹس صوبائی محکمے دیکھیں گے،مینٹیننس کا معاملہ سی ڈی اے کے حوالے کردیا گیا۔پاک پی ڈبلیو ڈی کو ختم کرنا حکومت کا فیصلہ ہے اس لیے تو کہتے ہیں آپ کابینہ میں آئیں تاکہ آپ سے مشاورت ہوپاک پی ڈبلیو ڈی کی جگہ ایک اتھارٹی بنائی جا رہی ہے۔