آئندہ سال ریلیز ہونیوالے 8 نئے ایموجیز سامنے آ گئے

آئندہ سال سمارٹ فون میں آنیوالے 8 نئے ایموجیز سامنے آگئے۔مختلف ایپس کا استعمال کرتے ہوئےروزمرہ پیغامات میں ایموجی کا استعمال اب معمول بن چکا ، چاہے وہ دوستانہ مسکراہٹ ہو یا کوئی شرارتی ایموجی وغیرہ۔۔۔اس سلسلے میں یونی کوڈ سٹینڈرڈ کے ورژن 16.0 کیلئے 8 نئے ایموجیز کی تصدیق کر دی ہے۔
یونی کوڈ کنسورشیم نے جن ایموجیز کی تصدیق کی ہے، ان میں انگلیوں کے نشانات، ایک پودا، بغیر پتوں کا درخت اور برطانوی خودمختار جزیرے سرک کا جھنڈا شامل ہیں۔
یہ جزیرہ فرانس اور برطانیہ کے درمیان انگلش  چینل  میں موجود ہے۔یونی کوڈ نے مارچ 2022 میں نئے جھنڈوں کی شمولیت روک دی تھی، لیکن سرک کا جھنڈا اس پالیسی کے بعد پہلا جھنڈا ہوگا ،جو شامل کیا جائے گا۔
ان ایموجیز کی ریلیز اگلے سال متوقع ہے،مگر سوشل میڈیا پر چہرے پر تھکن کے اثرات والے ایموجی پر ابھی سے بحث شروع ہو گئی ہے۔یہ نئے ایموجیز 2025 تک متعارف ہوں گے اور صارفین میں پہلے ہی جوش و خروش پایا جا رہا ہے۔