آئی فون صارفین ہوشیار! کون سی ایپ معلومات لیک کر سکتی ہے؟

ایپل کےصارفین ہو جائیں ہوشیار،ماہرین نےآئی فون استعمال کرنیوالوں کو معلومات لیک ہونے کے حوالے سے کر دیا خبردار،آئی ٹی کے ماہرین نے آئی فون صارفین کیلئے ایک بگ کے حوالے سے انتباہ جاری کر دیا ،جو اُن کے تمام پاسورڈز کو لیک کر سکتا ہے۔
ماہرین کی جانب سے ایپل صارفین کو اپنی ڈیوائس سیٹنگ چیک کرنے اور اس کو اپ ڈیٹ کرنے کے متعلق تنبیہ کی گئی ہے ،تاکہ ان کی حساس نجی معلومات کو کسی قسم کا سکیورٹی خطرہ لاحق نہ ہو۔
ماہرین کا کہنا ہے کہ اگر آئی فون صارفین نے حال ہی میں آئی او ایس 18 انسٹال کیا ہے تو انہیں ڈیوائس کی ہوم سکرین پر پاسورڈز نامی ایک ایپ دِکھائی دے گی، جو خود بخود ڈاؤن لوڈ ہوئی ہوگی۔یہ ایپ تمام لاگ اِن اور پاسورڈز (جن کو صارفین نے فون کو محفوظ کرنے کی اجازت دی ہوتی ہے) کو ایک جگہ ذخیرہ کر لیتی ہے۔
جہاں یہ ٹول انتہائی کارگر محسوس ہو رہا ہے، وہیں اس کی لانچ کے بعد اس کے سسٹم میں نقص سامنے آیا ہے۔آئی ٹی ڈیویلپر اور سکیورٹی ریسرچر ٹامی میسک نے ایپ کے متعلق اس بات کی نشان دہی کی ہے کہ یہ ایپ اَن اِنکرپٹڈ، ایچ ٹی ٹی پی (ہائپر ٹیکسٹ ٹرانسفر پروٹوکول) کا استعمال کر رہی ہے،جس کا مطلب ہے کہ اگر صارف نے کسی ویب پیج پر لاگ اِن ہونے کیلئے پاسورڈز ایپ کو تفصیلات درج کرنے کی اجازت دی تو صارف کی معلومات لیک ہو سکتی ہے۔
ماہرین کے بقول اہم بات یہ ہے کہ ایپل کی ڈیوائس کے اس مسئلے کو حل کر دیا گیا ہے، لیکن صارفین کو اپنی معلومات کے محفوظ ہونے کی یقین دہانی کیلئےاپنی ڈیوائس کو اپ ڈیٹ کرنا ہوگا۔