آزادارکان کی وابستگی:الیکشن کمیشن کی اہم ہدایت

سپریم کورٹ کا41آزادارکان کو15روزکی مہلت کےمعاملےپرالیکشن کمیشن نےاہم ہدایات جاری کردیں۔
ذرائع کےمطابق الیکشن کمیشن نے آزاد ارکان کے وابستگی سرٹیفکیٹس اور بیان حلفی کی سخت سکروٹنی کرنےکافیصلہ کیاہے،الیکشن کمیشن نے قانونی ٹیم اور متعلقہ ونگز کو ہدایات جاری کر دیں۔
ذرائع کاکہناہےکہ الیکشن کمیشن کی ہدایت کےمطابق آزاد ارکان کے بیان حلفی پر دستخط کی سخت سکروٹنی کی جائےآزاد ارکان کے کاغذات نامزدگی پر دستخط اور بیان حلفی کے دستخط سے متعلق سکروٹنی کی جائے،جن آزاد ارکان کے دستخط مطابقت نہ رکھتے ہوں تو ان کا وابستگی فارم قبول نہ کیا جائے ۔
ذرائع کےمطابق الیکشن کمیشن نے 41 آزاد ارکان کے کاغذات نامزدگی فارم منگوا لیے،الیکشن کمیشن سکروٹنی ٹیم آزاد ارکان کے بیان حلفی اور کاغذات نامزدگی پر دستخط سے متعلق رپورٹ کمیشن کو پیش کرے گی۔