آپریشن سندورمیں شکست،بھارت عالمی سطح پرتنہائی کاشکار،دی وائیرکاتجزیہ

0
6

دی وائیرکےتجزیےمیں کہاگیاکہ آپریشن سندورکی ناکامی اوربھارتی وزیراعظم مودی کی سفارتی نااہلی کےنتیجےمیں بھارت عالمی سطح پرتنہاہوگیا۔
دی وائیر کےمطابق مودی کی ملٹی الائنس حکمت عملی ناکام ہوگئی،جس کی وجہ سےحالیہ پاک بھارت جنگ میں کسی ملک نےبھی بھارت کاساتھ نہ دیا،جبکہ چین نےآپریشن ’’بنیان مرصوص ‘‘میں پاکستان کی کھل کےحمایت کی،چین نے پاکستان کوفضائی دفاع اورسیٹلائٹ تصاویرفراہم کرنےمیں مددکی۔
دی وائیرکےتجزیے میں کہاگیاکہ سندھ طاس معاہدےکی خلاف ورزی کے اشارےپرچین نےبراہمپتراکاپانی روکنےکاعندیہ دیا،اقوام متحدہ سلامتی کونسل میں بھی بھارت کی کوششیں بری طرح ناکام ہوئیں،یواین کی پریس ریلیزمیں حملہ آوردہشت گردگروپ یاپاکستان کاذکرتک شامل نہ کیاگیا،بھارت کی فوجی برتری کادعویٰ دنیاکوقائل نہ کرسکا،میدان میں پاکستان بازی لےگیا۔
دی وائیر کےمطابق امریکی صدرڈونلڈٹرمپ کی مداخلت نےبھارتی میڈیاکی جنگی جنونیت پرمبنی بیانیے کوخاک میں ملادیا،ٹرمپ نےمسئلہ کشمیرکوعالمی فورم پر اٹھا کر پاکستان کےمؤقف کوتقویت دی،ٹرمپ کی مداخلت نےبھارت کی عالمی طاقت بننےکی امیدوں پرپانی پھیردیا،ٹرمپ اورسینٹرل کمانڈکےسربراہ جنرل کیوریلا نےپاکستانی قیادت کی کھل کر تعریف کی،فیلڈمارشل عاصم منیرکوواشنگٹن میں عسکری اورحکمت عملی کی مضبوط شراکت داری کےلئےمدعوکیاگیا۔

Leave a reply