اتحاد ایئر ویز کا 10 سال بعد پشاور سے دوبارہ پروازوں کا آغاز

متحدہ عرب امارات کی فضائی کمپنی اتحاد ایئر ویز نے 10سال بعددوبارہ پشاور سےپروازوں کا آغاز کر دیا ۔
اتحاد ایئر ویز کی پرواز نے 10سال بعد باچا خان انٹرنیشنل ایئرپورٹ پشاور پر واپس لینڈ کیا، جو ملکی ہوا بازی کیلئے ایک اہم سنگ میل ہے۔ابوظہبی سے آنیوالی پرواز EY 276 پیر کو پشاور پہنچی، جس کا استقبال روایتی واٹر سلیوٹ کے ساتھ کیا گیا۔اتحاد ایئر ویز ہفتے میں پانچ پروازیں ابوظہبی اور پشاور کے درمیان آپریٹ کرے گی، جن میں پیر، منگل، جمعرات، جمعہ اور اتوار شامل ہیں۔
شیڈول کے مطابق پشاور سے پرواز EY 277 صبح 8 بجے روانہ ہوگی۔اس پیشرفت کے ساتھ اتحاد ایئرویز 2025 میں باچا خان انٹرنیشنل ایئرپورٹ سے آپریشن شروع کرنیوالی تیسری بین الاقوامی ایئر لائن بن گئی ہے۔اس سے قبل فلائی دبئی اور فلائی آدیل نے بھی اپنی پروازوں کا آغاز کیا تھا۔یہ نئی پروازیں مسافروں کو مزید سہولتیں، بہتر انتخاب اور عالمی روابط فراہم کریں گی۔
دوبارہ آپریشن شروع کرنے پر پشاوراور گردونواح کے شہریوں نے اتحاد ائیرویز حکام کا شکریہ ادا کیا ہے۔