اراکین کی نشستیں کسی اور جماعت کو دینا آئین کی خلاف ورزی ہوگی، بیرسٹر علی ظفر

پاکستان ٹوڈے کی تفصیلات کے مطابق پاکستان تحریک انصاف (پی ٹی آئی) کے سینیٹر اور ماہر قانون علی ظفر نے الیکشن کمیشن کا فیصلہ آئین کے خلاف قرار دیتے ہوئے الیکشن کمیشن کے تمام اراکین سے استعفے کا مطالبہ بھی کردیا۔

سینیٹ میں اظہار خیال کرتے ہوئے بیرسٹر علی ظفر نے کہا کہ سنی اتحاد کونسل کو مخصوص سیٹیں نہ دینے کا فیصلہ مسترد کرتے ہیں، آئین کے مطابق مخصوص نشستیں سنی اتحاد کونسل کو ملنی چاہئیں۔

انہوں نے کہا کہ سنی اتحاد کونسل کی 23 نشستیں بنتی ہیں اور ہماری نشستیں کسی اور جماعت کو دینا آئین کی خلاف ورزی ہوگی۔