اروشی روٹیلا سے موازنہ کیے جانے پر راکھی ساونت کااظہارنارضگی

بالی ووڈاداکارہ راکھی ساونت نے اروشی روٹیلا سے موازنہ کیے جانے پر غصے کا اظہار کیا۔
بھارتی میڈیارپورٹ کےمطابق آج کل بالی ووڈاداکارہ راکھی ساونت اپنے گانے’’ضرورت‘‘کی تشہیرمیں مصروف ہیں،انہوں نے گانےکی پرموشن کےلئے تشہیری تقریب شرکت کی اس دوران اداکارہ نے اپنے مہنگے زیورات کی نمائش بھی کی ہے۔راکھی ساونت اپنے زیورات کی نمائش کرتی ہوئی نظر آئیں، جن کے بارے میں انہوں نے دعویٰ کیا ہے کہ ان کی مالیت 70 کروڑ روپے ہے۔
تشہیری تقریب میں راکھی ساونت نے لہنگا چولی زیبِ تن کیا ہوا تھا، جس کے ساتھ انہوں نے سنہری ہیڈ پیس اور چمکدار چاندی کا ہار پہنا ہوا تھا، اداکارہ نے دعویٰ کیا کہ ہیڈ پیس کی قیمت 50 کروڑ روپے اور ہار کی قیمت 20 کروڑ بھارتی روپے ہے۔
راکھی ساونت کاموازنہ اداکارہ اروشی روٹیلا سےکیےجانےپرانہوں نے غصے کا اظہارکیااور کہا کہ میں اُروشی روٹیلا کی طرح جھوٹ نہیں بولتی۔
راکھی ساونت نے اُروشی روٹیلا سے کسی بھی مقابلے کو رد کر تے ہوئے کہا کہ آپ میرا موازنہ برٹنی اسپیئرز، جینیفر لوپیز، شکیرا، پیرس ہلٹن اور کم کارڈیشن سے کریں، آپ کو گِھسا پٹا بس ایک ہی نام مل جاتا ہے، مجھے پتہ ہے کہ ان کا گانا عبیدی دابیدی تھا، لیکن وہ دابیدی دابیدی ہو گیا، اسی دوران اچانک ایک لائٹ بند ہو گئی تو راکھی نے برجستہ طنز کرتے ہوئے کہا کہ کیا یہ گانا اتنا منحوس تھا؟
واضح رہےکہ اداکارہ اروشی روٹیلا اکثروبیشترسوشل میڈیاپر اپنے زیورات اور مہنگے لباس کی نمائش کرتی رہتی ہیں،رواں سال کےآغازپرایک تقریب میں اروشی روٹیلا کو سیف علی خان کے لیے تشویش کا اظہار کرتے ہوئے اپنی ہیرے کی گھڑی دکھانے پر ٹرول کیا گیا تھا، جبکہ 2024ء میں انہیں اپنی سالگرہ پر 24 قیراط سونے کا کیک کاٹتے ہوئے دیکھا گیا تھا۔