اسحاق ڈارکی بطور ڈپٹی وزیراعظم تقریری:عدالت نےپرویزالہٰی کانوٹیفکیشن مانگ لیا

وزیر خارجہ اسحاق ڈار کی بطور ڈپٹی وزیر اعظم تقرری کے خلاف درخواست پرسماعت کےدوران عدالت نےسابق نائب وزیراعظم پرویزالٰہی کی تقریری کانوٹیفکیشن مانگ لیا۔
اسحاق ڈارکی بطورڈپٹی وزیراعظم تقرری کےخلاف سندھ ہائیکورٹ کےچیف جسٹس نےکیس کی سماعت کی ۔درخواست گزارکےوکیل طارق منصورایڈووکیٹ عدالت میں پیش ہوئے۔
طارق منصورایڈووکیٹ نےکہاکہ عدالت کے حکم کے مطابق اسحاق ڈار کو درخواست میں فریق بنا رہے ہیں،اسحاق ڈار کو نوٹس جاری کرکے جواب طلب کیا جائے۔
چیف جسٹس نےکہاکہ پرویز الٰہی کی بطور ڈپٹی وزیر اعظم تقرری کا نوٹیفکیشن اور اس سے متعلق عدالتی فیصلہ کہاں ہے؟
طارق منصورایڈووکیٹ نےکہاکہ کابینہ ڈویژن کو گزٹ نوٹیفکیشن کے لئے لکھا ہے، دستاویز ملتے ہی عدالت میں پیش کردی جائے گی،لاہور ہائیکورٹ کے فیصلہ کی فراہمی کے لئے بھی درخواست دائر کی ہے۔
عدالت نےکہاکہ دستاویز سے قبل عدالت نوٹس جاری نہیں کرے گی،عدالت نے درخواست کی مزید سماعت دو ہفتوں کے لئے ملتوی کردی۔