اسرائیل کاایک اوربڑااقدام،انتونیو گوتریس پر پابندی عائدکردی،اقوام متحدہ کی وضاحت

اسرائیل نےاقوام متحدہ کےسیکرٹری جنرل انتونیو گوتریس پراپنےملک میں داخلے پرپابندی عائدکردی اقوام متحدہ نےاسرائیل کےاقدام کوسیاسی عمل قراردےدیا۔
اسرائیل کےاقدام پرردعمل دیتےہوئےاقوام متحدہ کاکہناتھاکہ اقوام متحدہ کے سیکرٹری جنرل انتونیو گوتریس پر پابندی سیاسی ہے، عالمی تنظیم خصوصاً اقوام متحدہ کہ عملے پر پابندیاں عائد نہیں کی جاسکتی ہیں۔ ویانا کنونشن کے تحت ایک ملک دوسرے کے سفارتکار کو نا پسندیدہ شخصیت قرار دے سکتا ہے ۔
یادرہےکہ اقوام متحدہ کےسیکرٹری جنرل انتونیوگوتریس کوگزشتہ دنوں اسرائیل نے’ناپسندیدہ شخصیت‘قراردےکرانتونیوگوتریس کی اپنےملک میں داخلےپرپابندی لگادی تھی۔
اسرائیلی وزیرخارجہ نے کہا تھا کہ سیکرٹری جنرل اقوام متحدہ انتونیوگوتریس کی اسرائیل میں داخلے پرپابندی ہے، انتونیو ایران کے اسرائیل پر حملوں کی مناسب مذمت نہیں کرسکے۔
خیال رہے کہ انتونیو گوتریس متعدد بار غزہ اور فلسطینی بچوں کے قتل عام پر افسوس کا اظہار کرچکے ہیں اور اس پر آواز اٹھاتے رہے ہیں۔