اسلام آباد،قیدی وینزپرحملہ،3گرفتارپی ٹی آئی ایم پی ایزسمیت متعددقیدی فرار

اسلام آبادکےسنگ جانی ٹول پلازہ پرقیدیوں کی 3وینزپرحملہ ہوا،جس میں ڈی چوک احتجاج میں گرفتار تحریک انصاف کےتین ایم پی ایزسمیت متعددقیدی فرارہوگئے۔
ذرائع کےمطابق ڈی چوک کےاحتجاج میں ملوث82ملزمان کوعدالت میں پیشی کےبعددوبارہ اٹک جیل منتقل کیاجارہاتھاکہ سنگ جانی ٹول پلازہ پرپہلے سے موجودحملہ آوروں نےقیدیوں کی وینزپرفائرنگ کردی، حملے میں ملزمان نے فائرنگ کرکے پرزن وینز کے ٹائر برسٹ کیے۔ جس کےنتیجےمیں تحریک انصاف کےتین ایم پی ایزسمیت متعددقیدی فرارہوگئے۔
ذرائع کا کہنا تھاکہ قیدیوں کی وین میں ایم پی اے انور زیب، لیاقت، یاسر قریشی بھی موجود تھے جبکہ وین میں گرفتار سرکاری ملازمین اور پولیس اہلکار بھی تھے۔
پولیس ذرائع کے مطابق پولیس نے فرار ہونے والے متعدد ملزمان کو دوبارہ گرفتار کرلیا ہے، دوبارہ گرفتار کیے جانے والوں میں ایک ایم پی اے کا بیٹا بھی شامل ہے۔