اسلام آبادہائیکورٹ کےججزنےٹرانسفرکیس کافیصلہ چیلنج کردیا

اسلام آبادہائیکورٹ کے5 ججز نے ٹرانسفرکیس کافیصلہ چیلنج کردیا۔
وکیل منیراےملک نےججزکی انٹراکورٹ اپیل سپریم کورٹ میں دائرکردی۔
درخواست میں مؤقف اختیارکیاگیاکہ سپریم کورٹ نےاسلام آبادہائیکورٹ میں ججزٹرانسفرکودرست قراردیاتھا،سپریم کورٹ کے5رکنی بینچ نےسنیارٹی کامعاملہ صدرپاکستان کوبھجوادیا۔
درخواست میں استدعاکی گئی کہ سپریم کورٹ کےججزٹرانسفرکیس میں فیصلے کو انٹرا کورٹ اپیل میں کالعدم قراردیاجائے۔انٹراکورٹ اپیل پرفیصلےتک 19جون کافیصلہ معطل کیاجائے۔
جسٹس محسن اخترکیانی،جسٹس طارق جہانگیری،جسٹس بابرستارفیصلہ چیلنج کرنےوالوں میں شامل جبکہ جسٹس سرداراعجازاسحاق اورجسٹس ثمن رفعت امتیازبھی فیصلہ چیلنج کرنےوالوں میں شامل ہیں۔
واضح رہےکہ جسٹس محمد علی مظہر کی سربراہی میں پانچ رکنی آئینی بینچ نے اسلام آباد ہائیکورٹ میں ججز ٹرانسفر اور سنیارٹی کیخلاف درخواستوں پر محفوظ فیصلہ19جون کوسنایاتھا،جسٹس محمدعلی مظہر، جسٹس شاہدبلال اورجسٹس صلاح الدین پنہورنےاکثریتی فیصلہ سنایاجبکہ جسٹس نعیم افغان اورجسٹس شکیل احمدنےاکثریتی فیصلے سےاختلاف کیا تھا۔سپریم کورٹ نے فیصلہ3-2کےتناسب سے سنایاتھا۔