اسلام آباد: الیکٹرک بسوں کے کرایوں میں بڑا اضافہ کردیا گیا

وفاقی دارالحکومت کے شہریوں اور مسافروں کیلئے اہم خبر،کیپیٹل ڈویلپمنٹ اتھارٹی (سی ڈی اے) نے الیکٹرک بسوں کے کرایوں میں اضافہ کردیا۔
ذرائع کے مطابق گرین، اورنج، بلیو لائن اور الیکٹرک بسوں کا کرایہ پچاس روپے سے 100 روپے مقرر کردیا گیا ہے، کرایوں میں اضافے کا اطلاق باقاعدہ طورپر(یکم جون) سے کردیا گیا۔
ذرائع کا کہنا ہے کہ ان بسوں کے ذریعے روزانہ 90 ہزار مسافر سفر کرتے ہیں، کرایوں میں اضافہ انتظامی اور مالی وجوہات کی بنیاد پر کیا گیا ہے۔جڑواں شہروں اسلام آباداور راولپنڈی کے شہریوں نے عید الاضحی کے موقع پرالیکٹرک بسوں کے کرایوں میں اضافے کو مسترد کرتے ہوئے مطالبہ کیا ہے کہ سی ڈی اے کو شہریوں میں پبلک ٹرانسپورٹ کے استعمال کو عام کرنے کیلئے کرایوں میں اضافے کے فیصلے پر نظر ثانی کرنی ہو گی، تاکہ عیدالاضحی کی تعطیلات کے علاوہ سال بھر مسافروں کو سستی سفری سہولیات میسر آ سکیں۔