اصل شارک کی نقل کرنے والی روبوٹ شارک متعارف

اصل شارک کی نقل کرنیوالی روبوٹ شارک متعارف،چین میں اصلی وہیل شارک کی جسمانی صفات اور حرکات کو نقل کرنیوالی روبوٹ شارک دنیا کی توجہ کا مرکز بن گئی ۔
شارک کا یہ روبوٹک ورژن تیرنے، غوطہ لگانے اور حتیٰ کہ منہ کی حرکات کو اعلیٰ درستگی کے ساتھ انجام دے سکتا ہے۔اس روبوٹ شارک کا وزن تقریباً 771 پاؤنڈ (350 کلوگرام) ہے اور اس میں سات ڈرائیو جوائنٹس ہیں، جو پیچیدہ کمپیوٹنگ، کمیونیکیشن اور سینسنگ ٹیکنالوجیز کے ذریعے کنٹرول کیے جاتے ہیں۔
یہ روبوٹ شارک وائرلیس ریموٹ کنٹرول، سوئمنگ پیٹرن اور ملٹی جوائنٹ بایونک پروپلژن جیسی صلاحیتوں سے لیس ہے۔ روبوٹ شارک0.7 میٹر فی سیکنڈ کی رفتار تک تیر سکتی ہے اور 20 میٹر کی گہرائی تک غوطہ لگا سکتی ہے۔
ماہرین کے مطابق اس میں درست نیویگیشن میں رکاوٹ سے بچنے کو یقینی بنانے کیلئےمختلف سینسرز سے ڈیٹا کی بڑی مقدار پر کارروائی کی گئی ہے۔اس کے سسٹم میں آپٹیکل کیمرے، سینسرز، سونار اور پوزیشننگ شامل ہیں ،جو اسے پانی کے معیار کی نگرانی، پانی کے اندر نقشہ سازی اور ممکنہ طور پرعسکری آپریشن کو انجام دینے کے قابل بھی بناتے ہیں۔