افواج پاکستان کوجتناخراج تحسین پیش کیاجائےکم ہے،چودھری پرویزالٰہی

سابق وزیراعلیٰ پنجاب چودھری پرویزالٰہی نےکہاہےکہ پاک فضائیہ اور پاک فوج کو جتنا بھی خراج تحسین پیش کیا جائے کم ہے۔
اپنےایک بیان میں چودھری پرویزالٰہی کاکہناتھاکہ اللہ کے فضل و کرم سے ساری قوم متحد اور اکٹھی ہے۔ قوم کو متحد رکھنے کیلئے عمران خان کو باہر لانا ناگزیر ہے۔ ملک دشمنی کی بات جہاں ہو گی وہاں ہم سب اکٹھے ہیں۔
سابق وزیراعلیٰ کامزیدکہناتھاکہ ہمارے اختلافات ہیں اور رہیں گے۔ بھارت کو جتنی مار پڑ گئی ہے اب وہ دوبارہ حملے کی جرأت نہیں کرے گا۔ اگر بھارت نے دوبارہ حملہ کیا تو پھر مار پڑے گی۔