امتحانات میں بائیو میٹرک حاضری متعارف کروانےکا فیصلہ

طلبا و طالبات کیلئے اہم خبر،امتحانات میں بائیو میٹرک حاضری متعارف کروانےکا فیصلہ،لاہور تعلیمی بورڈ نے آئندہ سال میٹرک اور انٹر میڈیٹ کے امتحان سے بائیو میٹرک حاضری متعارف کروانے کا فیصلہ کر لیا۔امتحانی سنٹر میں داخل ہونے سے قبل بچوں کی بائیو میٹرک کی جائے گی۔
میڈیا ذرائع کے مطابق اس اقدام سے جعلی امیدوار کو امتحانی سنٹر میں داخل ہونےسےروکاجاسکےگا۔رواں سال امتحانات میں درجنوں جعلی امیدوار وں کے خلاف یو ایم سی بنائے گئے۔بائیو میٹرک کا آغاز آئندہ سال میٹرک امتحان 2025 سے کیے جانے کا امکان ہے۔
اس حوالے سے بورڈ کے حکام کا کہنا ہے کہ داخلے بھیجواتے وقت بچوں کی انگلیوں کے نشان لیے جائیں گے اور امتحانات کے دوران بائیو میٹرک حاضری لی جائے گی۔اس سے امتحانات میں شفافیت کیساتھ طلبا کو بھی سہولت میسر آئے گی۔