انسانی دماغ کے خلیوں سے چلنے والاپہلا کمرشل بائیولوجیکل کمپیوٹر متعارف

سائنس اینڈ ٹیکنالوجی کے شعبے میں انقلاب برپا،انسانی دماغ کے خلیوں سے چلنے والا کمپیوٹر متعارف ،آسٹریلیا کے ایک سٹارٹ اپ نے انسانی دماغ کےخلیات پر چلنے والے دنیا کے پہلے کمرشل بائیولوجیکل کمپیوٹر کو متعارف کرا دیا۔
میلبرن کی کورٹیکل لیبز نے 3سے6 مارچ تک بارسیلونا میں منعقد ہونیوالی موبائل ورلڈ کانگریس میں اپنا سی ایل1 لانچ کیا اور اس کو’باکس میں ایک جسم‘ کی مانندبتایا، جو مصنوعی ذہانت اور روبوٹکس میں انقلابی تبدیلیاں لانے کی صلاحیت رکھتا ہے۔
اس کمپیوٹر میں لیب میں بنائے گئے نیورونز استعمال کیے گئے ہیں ،جن کی نمو ایک سیلیکون چپ پر ہوتی ہے، جس سے یہ برقی سگنل بھیجنے یا موصول کرنے کے قابل ہوتے ہیں۔
اس سیٹ اپ کو بعد ازاں لیب کے بائیولوجیکل انٹیلی جنس آپریٹنگ سسٹم سے جوڑ ا گیا ہے، جس کے ذریعے صارفین کوڈز ڈال سکتے ہیں اور کمپیوٹنگ امور انجام دے سکتے ہیں۔
ماہرین کے مطابق پمپ، گیس اور درجہ حرارت کو کنٹرول کرنیوالا اندرونی لائف سپورٹ سسٹم نیورونز کو چھ ماہ تک زندہ رکھ سکتا ہے۔