انسٹاگرام کا 25 تخلیقی صارفین کو رنگز ایوارڈ دینے کا اعلان

سوشل میڈیا صارفین کیلئے خوشخبری،انسٹاگرام نے 25 تخلیقی صارفین کورنگزپروگرام کے تحت ایوارڈ دینے کا اعلان کردیا۔
سوشل میڈیا شیئرنگ ایپلی کیشن انسٹاگرام کی انتظامیہ کا کہنا ہے کہ وہ اپنے نئے رنگز پروگرام کے تحت 30 کروڑ ماہانہ فعال صارفین میں سے 25 تخلیقی صارفین کو ایوارڈ زدیں گے۔ منتخب شدہ صارفین ایک فزیکل رنگ حاصل کریں گے ،جسے انگلش ڈیزائنر گریس ویلز بونر نے ڈیزائن کیا ہے، جبکہ ان کے انسٹاگرام پروفائل اور سٹوریز کیلئے ایک منفرد گولڈن رنگ بھی فراہم کیا جائے گا۔
صارفین کو اپنے پروفائل کے بیک گراؤنڈ کلر کو مرضی کے مطابق تبدیل کرنے کی سہولت بھی میسر ہوگی اور ان کا مواد ایپ میں ان کے اپنے سپاٹ لائٹ اور فیڈ میں نمایاں ہوگا۔
انسٹاگرام کے فیشن پارٹنرشپس کی سربراہ ایوا چن کا کہنا ہےکہ یہ ایوارڈ ان لوگوں کی صلاحیتوں کو تسلیم کرنے کیلئے بنایا گیا ہے ،جو سوشل میڈیا پلیٹ فارم پر تخلیقی مواقع فراہم کرتے ہیں، انسٹاگرام تین ارب صارفین کی کمیونٹی ہے اور یہ تین ارب صارفین شاید ایک ارب مختلف دلچسپیوں کے حامل ہیں، لہٰذا معیار کا تعین ججز کیلئے واقعی مشکل کام ہے۔
رنگز پروگرام کے ججز میں ایوا چن، گریس ویلز بونر، انسٹاگرام کے سربراہ ایڈم موسیری، ڈائریکٹر سپائک لی، رگبی سٹار ایلونا ماہر، میک اپ آرٹسٹ پیٹ میک گریٹھ، ڈیزائنر مارک جیکبز، اداکارہ یارا شاہیدی اور فنکار کاز شامل ہیں۔