انسٹا گرام کا لائیو لوکیشن شیئرنگ کا نیااور کار آمد فیچر متعار ف

معروف سوشل میڈیا پلیٹ فارم کے صارفین کیلئے خوشخبری،انسٹا گرام نے ایک نیااور کار آمد فیچر متعار ف کرادیا۔ صارفین اب اپنی لائیو لوکیشن شیئر کرسکیں گے۔
یہ فیچر بالکل اسی طرح کام کرے گا، جس طرح واٹس ایپ میں لائیو لوکیشن شیئرنگ کا فیچر کام کرتا ہے۔انسٹا گرام میں صارفین ڈائریکٹ میسجز (ڈیم ایم) میں لائیو لوکیشن شیئر کرسکیں گے۔اس فیچر سے صارفین ایک وقت میں ایک گھنٹے تک کیلئے اپنی لوکیشن شیئر کر سکیں گے اور میپ میں مخصوص مقامات کو پِن (pin) کرسکیں گے۔
لائیو لوکیشن شیئرنگ کا آپشن صرف ون آن ون یا گروپ چیٹس میں دستیاب ہوگا۔چیٹ میں شامل افراد ہی لوکیشن کو دیکھ سکیں گے، مگر وہ اسے آگے دیگر چیٹس میں فارورڈ نہیں کرسکیں گے۔جب صارفین لوکیشن شیئر کریں گے تو چیٹ کے اوپر ایک انڈیکٹر موجود رہے گا، جبکہ صارفین کسی بھی وقت شیئرنگ کرسکتے ہیں۔
انسٹا گرام کی جانب سے ڈائریکٹ میسجز کیلئے کسٹمائز ایبل نک نیمز فیچر بھی متعارف کرایا گیا ہے۔اس سے صارفین اپنے اور اپنے دوستوں کیلئے کسی نک نیم کا اضافہ کر سکیں گے، جو ڈی ایم چیٹس میں بھی ظاہر ہوگا۔