انٹربورڈ کراچی نے سالانہ امتحانات کا شیڈول جاری کردیا
![](https://pakistantoday.tv/wp-content/uploads/2024/05/Exams-905x400.jpg)
پاکستان ٹوڈے: انٹربورڈ کراچی نے سالانہ امتحانات کا شیڈول جاری کردیا۔
تفصیلات کے مطابق اعلیٰ ثانوی تعلیمی کراچی بورڈ نے فرسٹ ایئر اور سیکنڈ ایئر کے امتحانات کی تاریخوں کا اعلان کردیا۔۔۔چیئرمین انٹر بورڈ کراچی کی خصوصی ہدایات پر تمام گروپس کا الگ الگ شیڈول جاری کیا گیا ہے۔ انٹربورڈ کراچی نے اعلان کیا ہے کہ انٹر میڈیٹ سال ِاول اور سال ِ دوم کے سالانہ امتحانات برائے 2024 کا پہلا مرحلہ بروز منگل 28 مئی 2024 سے شروع ہوگا۔
انٹر میڈیٹ حصہ اول وحصہ دوم کے امتحانات کے پہلے مرحلہ میں سائنس پری میڈیکل ، پری انجینئرنگ ، سائنس جنرل اور ہوم اکنامکس کے سالانہ امتحانات رواں مہینے 28 مئی کو شروع ہوں گے، جو 26 جون 2024 تک جاری رہیں گے۔
صبح کی شفٹ میں 9 بجے سے 12 بجے تک سائنس پری میڈیکل، پری انجینئرنگ اور ہوم اکنامکس کے امتحانات منعقد ہوں گے، جبکہ شام کی شفٹ میں 2 بجے سے 5 بجے تک سائنس جنرل کے امتحانات لیے جائیں گے۔