![](https://pakistantoday.tv/wp-content/uploads/2024/07/adiala-jail.jpg)
اڈیالہ جیل کےگیٹ پرگاڑی ٹکرانےکےمعاملےپرمقدمہ درج کرلیاگیا۔
حساس ترین اڈیالہ جیل میں گزشتہ رات گئےزبردستی داخل ہونے والی گاڑی و ڈرائیور کیخلاف مقدمہ درج کرکےملزم کوگرفتارکرلیاگیا۔
مقدمہ تھانہ صدر بیرونی میں انچارج پولیس چوکی اڈیالہ سب انسپکٹر آفتاب احمد کی مدعیت میں درج کیا گیا ۔
ایف آئی آرکےمطابق واقعہ میں سیکیورٹی اہلکار زخمی ہوا۔ جیل کا اندرونی دروازہ ٹوٹ گیا ۔ ملزم جیل کے اندر تک جانا چاہتا تھا ۔
گاڑی ٹکرانے کے واقعے کے حیران کن انکشافات جیل کے سیکیورٹی انتظامات انتہائی ناقص ثابت ہو گئے،کار کی ٹکر سے گیٹ نمبر پانچ کا پہلا دروازہ ۔ آہنی بیریئر ۔جیل کا اندرونی لوہے کا گیٹ بھی ٹوٹا اندرونی کنڈا بھی کھل گیا۔
مدعی مقدمہ کےمطابق سیکیورٹی ڈیوٹی پر مامور اہلکاروں پر ملزم نے جان سے مارنے کی نیت سے گاڑی چڑھائی ۔ گاڑی کی ٹکر لگنے سے کانسٹیبل فہد گر گیا اور بمشکل اپنی جان بچائی ۔
رات گئے جیل سیکیورٹی انتظامات کے حوالے سے اہم اقدامات اٹھانے کی ہدایات جاری کردی گئیں۔