ایس سی اوکےاجلاس کی صدارت کرناایک اعزازہے،وزیراعظم

وزیراعظم شہبازشریف نےکہاہےکہ شنگھائی تعاون تنظیم کے سربراہان مملکت اجلاس کی صدارت کرنا ایک اعزاز ہے۔
سماجی رابطےکی ویب سائٹ ایکس سابق (ٹوئٹر)پروزیراعظم شہبازشریف نےایک پیغام جاری کیاجس میں اُن کاکہناتھاکہ پاکستان کی نیشنل سٹیٹمنٹ میں ایس سی او کی جانب سے علاقائی استحکام میں تعمیری کردار کی عکاسی کی گئی،علاقائی تعاون، اقتصادی اکٹھ، موسمیاتی تبدیلیوں کے مضر اثرات کے خلاف اقدامات کا احاطہ کیا گیا۔
اپنےپیغام میں شہبازشریف کامزیدکہناتھاکہ کثیر الجہتی تعاون اور عالمی اقتصادی نظام کی اصلاحات پر زور دیا گیا،عالمی قوانین کے برعکس یکطرفہ سخت اقدامات کی حوصلہ شکنی کی گئی، پر امید ہوں کہ مل کر ایس سی او ریجن کے عوام کے لئے روشن مستقبل تعمیر کیا جا سکتا ہے۔