ایشیائی ترقیاتی بینک نےپاکستان کیلئےقرض کی منظوری دیدی

ایشیائی ترقیاتی بینک نے پاکستان کیلئے 32 کروڑ ڈالر قرض کی منظوری دیدی۔
ایشیائی ترقیاتی بینک نے اعلامیہ جاری کردیا، 32 کروڑ ڈالر کی رقم خیبرپختونخوا میں سڑکوں کی بحالی کیلئے خرچ ہوگی،قرض سے دیہی علاقوں میں آل ویدر محفوظ رابطہ کاری میں اضافہ ہوگا،خیبرپختونخوا کے دیہی علاقوں میں 900 کلو میٹر سڑکوں کو اپ گریڈ کیا جائے گا، یہ سڑکیں پسماندہ طبقات کو صحت ، تعلیم میں رابطوں کیلئے استعمال ہونگی۔
اعلامیہ میں کہاگیاکہ منصوبے سے معاشی سرگرمیوں میں اضافہ ہوگا، خیبر پختونخواہ کی اس ترقی سے ملک کے دیگر حصوں کو بھی فائدہ پہنچے گا، خیبرپختونخوا صوبے میں موسمیاتی تبدیلی نے بہت نقصان پہنچایا ہے، انفراسٹرکچر مسائل اور بیماریوں کی وجہ سےلوگوں کی زندگی پر برے اثرات مرتب ہوئے ہیں۔
اعلامیہ کےمطابق اس منصوبے کے ذریعے فنانشل اور ٹیکنیکل معاونت فراہم کی جائے گی،حکومت کو لینڈ سلائیڈ کی وجہ سے پہنچنے والے نقصانات کا ازالہ کرنے کے قابل بنایا جائے گا،ٹھیکہ سسٹم میں بہتری لا کرروڈ مینٹینس اور ٹوارزم کی صورتحال بہتر بنائی جائے گی۔