ایپل کا آئی فون ایس ای4 :مارچ 2025 میں متعارف کرایا جائے گا

ایپل کی طرف سے نیا ماڈل متعارف کروانے کی تیاری،امریکی ٹیکنالوجی کمپنی آئندہ برس کونسا ماڈل لانچ کرے گی؟تازہ ترین لیکس سامنے آ گئیں۔
لیکس کے مطابق ایپل کی جانب سے آئی فون ایس ای 4 کو مارچ 2025 میں متعارف کرایا جائے گا۔ لیک میں بتایا گیاہے کہ ایپل کی جانب سے آئی فون ایس ای 4 کو متعارف کرانے کیلئے تیاریاں تیز کر دی گئی ہیں۔ آئی فون ایس ای 4 کے نئے ورژن کیلئے کیمرا موڈیول کی پروڈکشن دسمبر 2024 میں شروع ہو گی اور یہ نیا سمارٹ فون 2025 کی پہلی سہ ماہی کے دوران متعارف کروایا جائے گا۔آئی فون ایس ای 4 اس سیریز کے دیگر ماڈلز سے بالکل مختلف ہوگا اور دیکھنے میں آئی فون 14 جیسا دکھائی دےگا۔اس نئے ماڈل میں ہوم بٹن کو ہٹا دیا جائے گا، جبکہ سکرین پر فرنٹ کیمرا نوچ ڈیزائن میں دیا جائے گا۔
لیک کے مطابق فون کے اندر ایپل کا نیا اے 18 پراسیسر موجود ہوگا ،جسے آئی فون 16 کا حصہ بنایا گیا ہے۔اس اپ گریڈ سے فون کی کارکردگی بہتر ہوگی ،جبکہ اس میں آرٹی فیشل انٹیلی جنس فیچرز بھی صارفین کو دستیاب ہوں گے۔اگر یہ لیک درست ہوئی تو یہ ایپل کا سستا ترین اے آئی فون ہوگا۔
لیکس کے مطابق اس نئے ماڈل میں 6.06 انچ کا او ایل ای ڈی ڈسپلے دیا جائے گا۔فون کے بیک پر 48 میگا پکسل کیمرا دیے جانے کا امکان ہے، جبکہ فرنٹ میں 12 میگا پکسل کیمرا موجود ہوگا۔اس فون کی بیٹری بھی پہلے سے زیادہ بڑی ہوگی، جبکہ وائی فائی 6، بلیو ٹوتھ 5.3 اور 5 جی سپورٹ بھی دستیاب ہوگی۔
لیک میں بتایا گیا ہے کہ چارجنگ کیلئے یو ایس بی سی پورٹ ڈیوائس کا حصہ بنائی جا ئے گی اور ممکنہ طور پر وائرلیس چارجنگ سپورٹ بھی پہلی بار ایس ای سیریز میں دی جاسکتی ہے۔