ایپل کا اپنی سالانہ کانفرنس کے دوران اہم منصوبوں کو پیش کرنے کا اعلان

ایپل کے صارفین کیلئے خوشخبری،معروف ٹیکنالوجی کمپنی ایپل نے اپنی سالانہ ورلڈ وائڈ ڈویلپرز کانفرنس کیلئے اپنے اہم منصوبوں کو پیش کرنے اعلان کر دیا، جس کے تحت کمپنی اپنی ہر پراڈکٹ کو اپ ڈیٹ کرے گی۔
ایپل کے مطابق اس کانفرنس کا انعقاد 9 جون سے 13 جون کے درمیان ہوگا، جس میں کچھ ایونٹ فرداًجبکہ زیادہ تر ایونٹ آن لائن منعقد ہوں گے۔یہ آن لائن ایونٹس 9 جون کو مقامی وقت کے مطابق صبح 10 بجے ایک لائیو سٹریم کی نوٹ سے شروع ہوں گے، جنہیں ایپل کی ویب سائٹ، ایپل ٹی وی ایپ اور یوٹیوب پر سٹریم کیا جائے گا۔ساتھ ہی ایونٹ ختم ہونے کے بعد اس کا ری پلے بھی دستیاب ہوگا۔
ذہن نشین رہے کہ ایپل کی جانب سے اس ایونٹ میں نئے اے آئی فیچرز کا متعارف کرایا جانا متوقع ہے۔ گزشتہ برس اس ایونٹ میں ایپل نے اپنے برانڈڈ اے آئی ٹولز ایپل انٹیلی جنس کو لانچ کیا تھا۔