ایپل کا بالکل نئی ڈیوائس 2025میں متعارف کروانے کا امکان

ایپل کے صارفین کیلئے اہم خبر،ایپل کی جانب سے ایک بالکل نئی ڈیوائس آئندہ سال متعارف کرائے جانے کا امکان،ایپل کو آئی فونز، آئی پیڈ زاور میک کمپیوٹرز کی تیاری کیلئے جانا جاتا ہے، تاہم اب یہ ٹیکنالوجی کمپنی ایک نئی ڈیوائس متعارف کرانے کی منصوبہ بندی کر رہی ہے۔
بلوم برگ کی ایک تازہ ترین رپورٹ کے مطابق ایپل کی جانب سے ہوم پوڈ جیسے سمارٹ ڈسپلے کو ایک نئے آپریٹنگ سسٹم کے ساتھ متعارف کرانے کی تیاری کی جا رہی ہے۔اس طرح کی ڈیوائس کے حوالے سے لیکس کافی عرصے سے سامنے آرہی تھیں، تاہم بلوم برگ کی تازہ رپورٹ میں بتایا گیا ہے کہ ایپل کی جانب سے سمارٹ ڈسپلے کو ایک روبوٹیک ہاتھ سے لیس کیا جائے گا۔یہ روبوٹیک ہاتھ ڈیوائس کی سکرین کو گھما سکے گا ،تاکہ صارف کیلئے بہتر نظارہ ممکن ہوسکے۔
رپورٹ کے مطابق یہ ڈیوائس 2 ورژنز میں دستیاب ہوگی، ایک کم قیمت کا سمارٹ ڈسپلے ہوگا، جس میں فیس ٹائم اور سمارٹ ہوم کنٹرولز جیسے بنیادی فیچرز ہوں گے۔دوسرا ورژن روبوٹیک ہاتھ والا ہوگا، جس کی قیمت زیادہ ہوگی۔ قیمت والا ورژن 2025 میں متعارف کرائے جانے کا امکان ہے جس کے بعد مہنگا ورژن پیش کیا جائے گا۔ایپل انٹیلی جنس نامی اے آئی ماڈل دونوں ورژنز کا حصہ ہوگا،جس سے صارفین آرٹی فیشل انٹیلی جنس ٹیکنالوجی پر مبنی فیچرز کو اس ڈیوائس پر بآسانی استعمال کرسکیں گے۔