ایپل کا سستا ترین آئی فون زیادہ طاقتور ہوگا

ایپل کے آئی فون صارفین کیلئے بڑی خوشخبری۔ ایپل کا سستا ترین آئی فون اب پہلے سے زیادہ طاقتور ہوگا۔
ایپل کی جانب سے نئے اور سستے آئی فون ایس ای سیریز کی تیاری پر کافی عرصے سے کام کیا جا رہا ہے۔آئی فون ایس ای 4 کے حوالے سے ایک حالیہ لیک میں بتایا گیا ہےکہ یہ گزشتہ ماڈل کے مقابلے میں کافی زیادہ طاقتور ہوگا۔
میک ریومرز کی رپورٹ کے مطابق یہ ایس ای سیریز کا پہلا فون ہوگا، جس میں او ایل ای ڈی سکرین موجود ہوگی جبکہ اس کے حجم میں بھی اضافہ کیا جائے گا۔مختلف رپورٹس کے مطابق آئی فون ایس ای 4 کو آئندہ برس مارچ سے مئی 2025 کے دوران متعارف کرایا جاسکتا ہے،اس سے قبل آئی فون ایس ای 3 کو مارچ 2022 میں متعارف کرایا گیا تھا، جو اب تک ایپل کا سب سے سستا سمارٹ فون ہے۔
تازہ ترین رپورٹ کے مطابق آئی فون ایس ای 4 میں 6.06 انچ سکرین دی جائے گی، جو ایس ای 3 کی 4.7 سکرین کے مقابلے میں کافی بڑی ہوگی۔اس فون میں اے 18 بائیونک پراسیسر موجود ہوگا۔ایک لیک کے مطابق آئی فون ایس ای 4 بیک سے دیکھنے میں آئی فون 16 جیسا ہوگا،یعنی اس میں آئی فون 16 کی طرح ڈوئل لینس کیمرا سیٹ اپ دیے جانے کا امکان ہے۔
ایسی لیکس بھی سامنے آئی ہیں، جن سے عندیہ ملتا ہے کہ آئی فون ایس ای 4 میں ٹچ آئی ڈی ہوم بٹن ختم کر دیا جائے گا اور اس کی جگہ فیس آئی ڈی کو دی جائے گی،اسی طرح یو ایس بی سی پورٹ اور فرنٹ کیمرے کیلئے ڈائنامک آئی لینڈ ڈیزائن کو بھی آئی فون ایس ای 4 کا حصہ بنایا جائے گا۔