ایپل کون سی نئی ڈیوائس متعارف کرانے کی تیاری کر رہا ہے؟

ایپل کے صارفین کیلئے بڑی خوشخبری،ایپل کون سی نئی ڈیوائس متعارف کرانے کی تیاری کر رہا ہے؟تمام تر تفصیلات سامنے آ گئیں۔
ٹیکنالوجی کمپنی ایپل کے چیف ایگزیکٹیو ٹِم کُک کے مطابق ان کی کمپنی رواں ہفتے نئی پراڈکٹ لانچ کرنے کی تیاری کر رہی ہے۔ٹِم کک کی جانب سے ویڈیو کے ساتھ کی جانیوالی ایک مبہم پوسٹ میں اشارہ دیا گیا ہے کہ اس ہفتے کچھ ہونے جا رہا ہے۔
ماہرین کی جانب سے توقع کی جا رہی ہے کہ عین ممکن ہے کہ نئی میک بُک ایئر کی اپ ڈیٹ متعارف کرائی جائے اوراس اپ ڈیٹ کے مطابق ڈیوائس میں ایپل کی جدید ترین ایم 4 چِپ کے ساتھ اضافی ریم اور مزید ڈسپلیز کے ساتھ استعمال کا آپشن متوقع ہے۔سوشل میڈیا پرٹِم کک کی پوسٹ میں استعمال کی گئی ٹیگ لائنsomething in the air اُس وقت بھی استعمال کی گئی تھی ،جب ایپل نے پہلی بار 2008 میں میک بُک ایئر متعارف کرایا تھا۔
اس کے علاوہ عین ممکن ہے کہ کمپنی کی جانب سے نیا آئی پیڈ ایئر بھی متعارف کرا دیا جائے، تاہم بلوم برگ کے رپورٹر مارک گرمن کے مطابق ایپل سٹورز میں ٹیبلٹ کم دستیاب ہیں اور کمپنی نے طویل تعارفی سیشنز کے انعقاد کا منصوبہ بنایا ہے،لہٰذا یہ سمجھا جا سکتا ہے کہ ڈبل ایئر اناؤنس منٹ کی جا سکتی ہے۔