ایپل 16 سیریز کا سستا ترین فون کب متعارف کرایا جائے گا؟

سالِ نو میں ایپل کے صارفین کیلئے خوشخبری، آئی فون 16 سیریز کا سستا ترین فون کب متعارف کرایا جائے گا؟تازہ ترین لیکس منظر عام پر آ گئیں۔
نئے سال کی پہلی لیک کے مطابق ایپل کی جانب سے نئے کم قیمت آئی فون ایس ای کو آئی فون 16 ای کے نام سے متعارف کرایا جائے گا۔اس طرح یہ آئی فون 16 سیریز کا حصہ بن جائے گا اور ماضی کے ایس ای ماڈلز سے مختلف ہو گا۔
اس سے قبل لیکس میں بتایا گیا تھا کہ آئی فون ایس ای 4 اسسیریز کے دیگر ماڈلز سے بالکل مختلف ہوگا اور اس کا ڈیزائن آئی فون 14 سے ملتا جلتا ہوگا۔نئے ماڈل میں ہوم بٹن کو ہٹا دیا جائے گا، جبکہ سکرین پر فرنٹ کیمرا نوچ ڈیزائن میں دیا جائے گا۔اس فون کے اندر ایپل کا نیا اے 18 پراسیسر موجود ہوگا ،جسے آئی فون 16 کا حصہ بنایا گیا ہے۔اس اپ گریڈ سے فون کی کارکردگی بہتر ہوگی ،جبکہ اس میں آرٹی فیشل انٹیلی جنس فیچرز بھی صارفین کو دستیاب ہوں گے۔
اگر یہ لیک درست ہوئی تو یہ ایپل کا سستا ترین اے آئی فون ہوگا۔ اس نئے ماڈل میں 6.06 انچ کا او ایل ای ڈی ڈسپلے دیا جائے گا، جبکہ اسے مارچ 2025 میں متعارف کرایا جاسکتا ہے۔فون کے بیک پر 48 میگا پکسل کیمرا دیے جانے کا امکان ہے ،جبکہ فرنٹ میں 12 میگا پکسل کیمرا موجود ہوگا۔اس نئے ماڈل کی بیٹری بھی پہلے سے زیادہ بڑی ہوگی، جبکہ وائی فائی 6، بلیو ٹوتھ 5.3 اور 5 جی سپورٹ بھی دستیاب ہوگی۔چارجنگ کیلئے یو ایس بی سی پورٹ ڈیوائس کا حصہ بنائی جا رہی ہے۔نئی لیک کے مطابق یہ فون بلیک اور وائٹ رنگوں میں دستیاب ہوگا۔