ایڈہاک ججزکی تقرری:چیئرمین پی ٹی آئی کی مخالفت

چیئرمین تحریک انصاف بیرسٹرگوہرعلی نےایڈہاک ججزکی تقرری کی مخالفت کردی۔
چیئرمین پی ٹی آئی بیرسٹرگوہرعلی کاکہناتھاکہ 2015 سے سپریم کورٹ میں کسی ایڈہاک جج کی تقرری نہیں کی گئی، سپریم کورٹ نے اصولی طور پر فیصلہ کیاتھا کہ ’’ایڈہاک ازم،آزاد عدلیہ‘‘ کے لیےمتصادم ہے،ایڈہاک ججز کا تقرر اور وہ بھی چھٹیوں میں اور چار ججز ایک ساتھ تقرر کرنے کی کوئی مثال نہیں ملتی۔
بیرسٹرگوہرعلی کامزیدکہناتھاکہ چھٹیوں میں چاروں ایڈہاک ججز کی ایک ساتھ تقرری غیر ضروری ہےاور اس کی مثال نہیں ملتی،اس سے کیسز کا بوجھ کم نہیں ہوگا،یہ پوری سپریم کورٹ اور اس کے ججوں پر سمجھوتہ ہوگا،ایک حقیقی خدشہ یہ بھی ہے کہ اس اقدام کا مقصد پی ٹی آئی کی مخصوص نشستوں کے فیصلے اور بطور پارٹی اس کا موقف ہے،چیف جسٹس کو ایسے نازک وقت میں عدالتی تنازعات سے گریز کرنا چاہیے۔