ایڈیشنل رجسٹرار کابڑاکارنامہ:توہین عدالت کا نوٹس سپریم کورٹ میں چیلنج کر دیا

بینچزکےاختیارکےمعاملےمیں ایڈیشنل رجسٹرار نذر عباس نے توہین عدالت کا شوکاز نوٹس سپریم کورٹ میں چیلنج کر دیا۔
سپریم کورٹ نے نذر عباس کی انٹرا کورٹ اپیل پر 6 رکنی بینچ تشکیل دے دیا۔
جسٹس جمال خان مندو خیل کی سربراہی میں بینچ تشکیل دیا گیا ہے جس میں جسٹس محمد علی مظہر، جسٹس اطہر من اللہ، جسٹس حسن اظہر رضوی، جسٹس شاہد وحید اور جسٹس مسرت ہلالی شامل ہیں۔
ایڈیشنل رجسٹرار جوڈیشل نذر عباس نے توہین عدالت کی کارروائی پر حکم امتناع کی درخواست بھی کی ہے۔
سپریم کورٹ نے نذر عباس کی انٹرا کورٹ اپیل 27 جنوری بروز پیر کو سماعت کے لیے مقرر کر دی، 6 رکنی لارجر بینچ 27 جنوری دن ایک بجے انٹرا کورٹ اپیل پر سماعت کرے گا۔
واضح رہےکہ جسٹس منصور علی شاہ کی سربراہی میں تین رکنی بینچ نے 20 جنوری کو ایڈیشنل رجسٹرار کے خلاف توہینِ عدالت کے شوکاز نوٹس جاری کیے تھے۔ اس کے بعد لارجر بینچ 27 جنوری کو نذر عباس کی انٹرا کورٹ اپیل پر سماعت کرے گا۔اس سماعت میں اہم قانونی نکات پر غور کیا جائے گا، جس کے نتیجے میں مستقبل کے لائحہ عمل کا تعین کیا جائے گا۔