ایک اوروعدہ پورا:نیشنل سٹیڈیم کراچی بھی چیمپئنزٹرافی کی میزبانی کیلئےتیار

ایک اوروعدہ پورا،قذافی کےبعدنیشنل سٹیڈیم کراچی بھی چیمپئنزٹرافی کی میزبانی کےلئےپوری طرح تیارہوگیا۔
چیئرمین پاکستان کرکٹ بورڈ(پی سی بی)محسن نقوی کی ذاتی مانٹیرنگ اورورکرزکی دن رات محنت سے120روزمیں منصوبہ مکمل ہوگیا۔
نیشنل سٹیڈیم کراچی کا افتتاح کل شام کوہوگا۔ رنگارنگ افتتاحی تقریب ہوگی ،جس میں معروف گلوکار علی ظفر، شفقت امانت علی اور ساحر علی بگا اپنی آواز کا جادو جگائیں گے،آتش بازی اور لائٹس شو کا شاندار مظاہرہ ہو گا۔افتتاحی تقریب میں عوام کاداخلہ مفت ہوگا۔
چیئرمین پاکستان کرکٹ بورڈ(پی سی بی)کاکہناتھاکہ نیشنل سٹیڈیم کےتعمیراتی کاموں کاآغازگزشتہ سال28ستمبرکوہواجوالحمداللہ 31جنوری کومکمل کرلیاگیا۔پویلین عمارت کو مکمل گرا کر تعمیر کیا گیا۔ ہر انکلوژرز میں نئی کرسیاں لگائی گئی ہیں۔ نئی ایل ای ڈی لائٹس، جدید سکور سکرینز اور گرل نصب، شائقین کرکٹ کے بہتر ویو کے لئے جنگلے ختم کردئیےگئے،تما م ہاسپٹلٹی باکسز کی تزئین و آرائش میں حصہ لینے والے مزدوروں کی محنت کو سراہتا ہوں۔
اُن کامزیدکہناتھاکہ ایف ڈبلیو او، نیسپاک، کنٹریکٹر اور پی سی بی کی پوری ٹیم نے انتھک محنت سے کام کیا۔ شائقین کرکٹ اور کھلاڑیوں کیلئے عالمی معیار کی سہولتوں کا اضافہ کیا گیا ہے۔چیمپئنز ٹرافی کی ٹیمز کے کھلاڑیوں کو بہترین سہولتیں فراہم کریں گے۔