اے آئی ڈویلپرز کیلئے خوشخبری : میٹا کا نیا لاما اے پی آئی ماڈل متعارف

اے آئی ڈویلپرز کیلئے خوشخبری، میٹا کا نیا لاما اے پی آئی ماڈل متعارف، میٹا نے اپنا نیا لاما اے پی آئی ماڈل اس لیے متعارف کروایا ہے، تاکہ کمپنیاں اور ڈویلپرزبا آسانی مصنوعی ذہانت اے آئی پروڈکٹس بنا سکیں۔
رپورٹ کے مطابق یہ اعلان میٹا نے اپنی پہلی اے آئی ڈویلپر کانفرنس میں کیا۔ میٹاکمپنی چاہتی ہے کہ اے آئی ڈویلپرز اس کے لاما ماڈل کو استعمال کریں، اس لیے اس نے ایک آسان اے پی آئی متعارف کروایا ہے۔میٹا کا مقصد ہے کہ اس کے صارفین اے پی آئی کی مدد سے کم وقت اور کم خرچ میں اے آئی پروڈکٹس بنا سکیں۔
میٹا کا ماننا ہے کہ لاما اے پی آئی آرٹی فیشل انٹیلی جینس کی دنیا میں مقابلے کے رجحانات اور نئے ماڈلز کی ترقی کو فروغ دے گی۔ میٹا نے اس ماڈل کو ایک اے پی آئی (ایپلی کیشن پروگرامنگ انٹرفیس) کے ذریعے فراہم کیا ہے ،تاکہ سافٹ ویئر ڈویلپر صرف ایک لائن کوڈ سے اس ٹیکنالوجی کو اپنے ایپس یا سسٹمز میں شامل کرسکیں۔
اس حوالے سے میٹا کے چیف پروڈکٹ آفیسر کرس کاکس کا کہنا ہے کہ اب صارفین صرف ایک لائن کوڈ سے لاما کو استعمال کر سکتے ہیں۔
رپورٹ کے مطابق لاما اے پی آئی کے نئے ماڈل کی مدد سے کوئی بھی ڈویلپر پہلے سے موجود اے آئی ٹیکنالوجی کو اپنے سسٹم میں شامل کر سکتا ہے، یہی وجہ ہے کہ اوپن اے آئی کی آمدنی کا بڑا ذریعہ اس کی اے پی آئی ہے۔