بالی ووڈاداکارہ دیپیکا پڈوکون حجاب کرنےپرتنقید کی زدمیں آگئیں

بالی ووڈکی معروف اداکارہ دیپیکا پڈوکون حجاب کرنےپرتنقید کی زدمیں آگئیں۔
دیپیکا پڈوکون کی سوشل میڈیا پر وائرل ہونے والی یہ ویڈیو ابوظہبی کے محکمۂ ثقافت و سیاحت کے اشتراک سے جاری کی گئی ہے،جس میں اداکارہ اپنے شوہر رنویر سنگھ کے ہمراہ برانڈ ایمبیسیڈر کے طور پر نظر آتی ہیں۔ویڈیومیں جوڑی کو لُووَر ابوظبی میوزیم اور شیخ زید گرینڈ مسجد کی سیر کرتے دکھایا گیا ہے۔اس موقع پردیپیکانے عبایا زیب تن کیاہواتھا۔
دیپیکا پڈوکون کو حجاب میں دیکھ کراداکارہ کےمداحوں نےتنقید کے نشتربرسا دئیے۔مداحوں نےتنقیدکرتے ہوئےکہاکہ اداکارہ حجاب پہن کر اپنی ’آزادی رائے‘ کے خلاف گئی ہیں جو ان کا مشہور بیان ہے۔
تاہم کچھ مداحوں نے واضح کیا کہ یہ عبایا تھا، جو مسجد میں داخلے کے وقت خواتین کے لیے مناسب لباس سمجھا جاتا ہے اور حجاب کرنا عرب ثقافت کا بھی حصہ ہے۔
کچھ صارفین نے ان کی 2015ء کی مختصر فلم ’مائی چوائس‘ کا حوالہ دیتے ہوئے طنز کیا، جبکہ ان کے حامیوں نے کہا کہ دیپیکا نے صرف مقامی روایات کا احترام کیا ہے۔
یاد رہے کہ یہ پہلا موقع نہیں کہ اداکارہ مذہبی یا ثقافتی مقامات پر روایتی لباس میں دکھائی دی ہیں۔ اس سے قبل بھی وہ اور رنویر مختلف مندروں اور گوردواروں میں مذہبی رسومات کے دوران روایتی ملبوسات میں نظر آ چکے ہیں۔