بالی ووڈ اداکارہ سوناکشی سنہا نے ظہیر اقبال سے شادی کرلی۔

بھارتی میڈیا رپورٹس کے مطابق سونا کشی اور ظہیر اقبال کی شادی کی تقریب ممبئی میں اداکارہ کے گھر پر ہوئی۔ تقریب میں سوناکشی کے والد شتروگن سنہا اور والدہ پونم سنہا نے شرکت کی تاہم بھائی شریک نہیں ہوئے۔

سوناکشی اور ظہیر نے سرکاری اہلکار کی موجودگی میں سول میرج کی اور شادی کے دستاویزات پر دستخط کیے۔

شادی کی تقریب میں اداکارہ کے والد شتروگن سنہا اور والدہ پونم سنہا نے شرکت کی جبکہ بھائی شریک نہیں ہوئے۔

شتروگن سنہا نے بھی سول میرج کی دستاویزات پر دستخط کیے اور بیٹی کو رخصت کیا۔

دلہا ظہیر اقبال بھی سفید شلوار قمیض زیب تن کر رکھا تھا۔

شادی کی تقریب کے بعد جوڑے کی جانب سے ممبئی کے مقامی ریسٹورنٹ میں عشائیہ دیا جا رہا ہے جس میں فلم اور دیگر شعبوں سے تعلق رکھنے والی شخصیات شریک ہیں۔

عشائیے میں انیل کپور، چنکی پانڈے، کاجول اور دیگر نے شرکت کی جبکہ عشائیے میں اداکارہ نے سرخ رنگ کی ساڑھی زیب تن کی ہے۔

دوسری جانب شادی کی تقریب کی تصاویر اور ویڈیوز سوشل میڈیا پر وائرل ہو چکی ہیں جن پر مداحوں کی جانب سے جوڑے کو مبارکباد دی گئی ہے۔