بجلی کی رفتار سے تیز حرکت کرنیوالے ستارے کے گرد گھومتا سیارہ دریافت

بجلی کی رفتار سے تیز حرکت کرنے والے ستارے کے گرد گھومتا سیارہ دریافت، ماہرینِ فلکیات نے ایک کہکشاں میں ایسا ایگزو پلینٹ دریافت کیا ہے، جو انتہائی تیزی سے حرکت کرتے ستارے کے گرد گھوم رہا ہے۔
ستارے اور سیارے کا یہ جوڑا اندازاً 12 لاکھ میل فی گھنٹہ کی رفتار سے حرکت کر رہا ہے جو بجلی کی رفتار سے چار گنا سے زیادہ ہے۔
آسٹرونومیکل جرنل میں شائع ہونے والی نئی تحقیق کے مطابق اتنی تیزی سے سفر کرنے کی وجہ سے عین ممکن ہے کہ ایک دن یہ کہکشاں سے باہر نکل کر خلا کی گہرائیوں میں پہنچ جائیں۔
تحقیق کی سربراہی کرنے والے ناسا کے محقق شان ٹیری کا کہنا ہے کہ سائنسدانوں کا خیال ہے کہ یہ سیارہ ایک کم وزن ستارے کے گرد سیارہ زہرہ اور زمین کے درمیان فاصلے سے کم پر فاصلے پر گھوم رہا ہے۔ اگر معاملات ایسے ہی ہیں تو یہ دریافت ہونے والا پہلا سیارہ ہوگا جو ہائپر ویلاسٹی ستارے کے گرد گھوم رہا ہے۔
ہائپر ویلاسٹی ستارے ایسے انتہائی تیز رفتار ستارے ہوتے ہیں جو ملکی وے کہکشاں کے مرکز میں موجود سپرمیسو بلیک ہول کے قریب سے ہو کر گزرے ہوتے ہیں،لیکن ہمارے سورج کے برعکس یہ ستارہ کمزور ہے جس سے اس کے گرد موجود سیارے پر زندگی کے آثار ختم ہو جاتے ہیں۔اس جوڑے کو پہلی بار 2011 میں 24 ہزار نوری برس کے فاصلے پر دریافت کیا گیا تھا۔