بشریٰ بی بی کےالزام پرسابق آرمی چیف نےردعمل دےدیا

بانی تحریک انصاف عمران خان کی اہلیہ بشریٰ بی بی کےالزام پرسابق آرمی چیف جنرل(ر) قمر جاوید باجوہ نےردعمل دےدیا۔
بانی پی ٹی آئی کی اہلیہ بشریٰ بی بی نےکہاکہ عمران خان جب مدینہ ننگے پاؤں گئے اور واپس آئے تو جنرل باجوہ کو فون آنا شروع ہوگئے کہ ہمیں ایسے لوگ نہیں چاہئیں ہم تو ملک سے شریعت ختم کرنے لگے ہیں اور آپ ایسے شخص کو لے کر آگئے ہیں۔
ذرائع کےمطابق بشریٰ بی بی کےاس بیان پرسابق آرمی چیف جنرل (ر) قمر جاویدباجوہ کاکہناتھاکہ دوست ملک کے حوالے سے سابق خاتون اول کا بیان 100 فیصد جھوٹا ہے۔ کوئی ملک ایسی بات کیسے کرسکتا ہے خاص طور پر جس کے ساتھ ہماری اتنی دوستی ہو، بشریٰ بی بی کے دورے پر ان کے لیے خانہ کعبہ اور روضہ رسول کا دروازہ کھولا گیا اور ان کو بے شمار تحائف دیے گئے۔
ذرائع کےمطابق قمر جاوید باجوہ کہتے ہیں کہ میں خانہ کعبہ جاکر یہ بات کرنے کو تیار ہوں کہ جو بشریٰ بی بی کی جانب سے بات کی گئی وہ بالکل جھوٹ ہے، دورے کے بعد ان کے پاس کوئی کالز نہیں آئیں، بشریٰ بی بی نے جھوٹی بات کی ہے۔
ذرائع کےمطابق سابق آرمی چیف کاکہناتھاکہ بشریٰ بی بی اس کے بعد اپنی بیٹی کے نکاح کے لیے بھی سعودی عرب گئیں، 2021 میں عمران اور بشریٰ بی بی پھر سعودی عرب گئے اور میں بھی ان کے ساتھ تھا۔
ذرائع کےمطابق ان کا کہنا تھا کہ شریعت کے نفاذ کے متعلق کوئی ملک کیسےبات کر سکتا ہے، ان کو سعودی عرب نے اربوں ڈالر رول اوور کر کے دیے، اس خاتون کو مسئلہ کیا ہے، یہ میرے لیے بھی بڑا معمہ ہے۔لگتا ہے عمران خان بھی اپنا بیانیہ بنانے کے لیے کل کہہ دیں گے کہ یہ بات درست ہے۔
ذرائع کےمطابق قمرجاویدباجوہ کاکہناتھاکہ مجھے فکر اور تشویش ہے، ریٹائرڈ فوجی کے پاس اپنا کوئی دفاع نہیں ہوتا، سویلین تو کسی بھی حوالے سے بات کر لیتے ہیں، لگتا ہے بشریٰ بی بی نے لوگوں کو اکٹھا کرنے کے لیے شریعت کی باتیں شروع کردی ہیں۔