بلوچ طلبہ کیس: نگراں وزیراعظم کی ممکنہ پیشی، اسلام آباد ہائیکورٹ کے باہرسیکیورٹی الرٹ

پاکستان ٹوڈے کے مطابق اسلام آبادہائیکورٹ میں بلوچ طلبہ بازیابی کیس کی سماعت آج ہوگی، جسٹس محسن اختر کیانی کیس کی سماعت کریں گے۔

عدالت میں آج نگراں وزیراعظم انوار الحق کاکڑ ،وزرا اور سیکریٹریز کو طلب کررکھا ہے نگراں وزیراعظم کا سیکیورٹی اسکواڈ اسلام آبادہائیکورٹ پہنچ گیا ہے

گذشتہ سماعت میں بلوچ طلبا عدم بازیابی کیس میں وزیراعظم پیش نہ ہوئے تھے، جس پر اسلام آباد ہائی کورٹ نے اٹھائیس فروری کو سماعت پر پھر ذاتی حیثیت میں طلب کرلیا تھا اور وزیرداخلہ اور وزیر دفاع کو بھی پیش ہونے کا حکم دیا تھا۔

جسٹس محسن اخترکیانی نے ریمارکس دیے تھے نگراں وزیراعظم کوبتادیں آئندہ سماعت پرکراچی نہ جائیں اور آئی ایس آئی، ایم آئی اور ایف آئی اے کے ڈی جیز پر مشتمل کمیٹی تشکیل دے دی آئندہ اسلام آباد ہائی کورٹ میں رپورٹ پیش کرے گی۔