بنگلہ دیش:عبوری سربراہ ڈاکٹریونس نےمستعفی ہونےکی دھمکی دیدی

بنگلہ دیش کےعبوری سربراہ ونوبل انعام یافتہ ڈاکٹرمحمدیونس نےعہدے سے مستعفی ہونےکی دھمکی دےدی۔
ڈاکٹرمحمدیونس کاکہناتھاکہ سیاسی جماعتیں انتخابی اصلاحات پرمتفق نہیں ہوتیں تو مستعفی ہوجاؤں گا،شہری بےصبری سےانتخابی اصلاحات کاانتظارکررہے ہیں، اگر سیاسی جماعتیں اس پراتفاق نہیں کرسکتی تومیں عہدہ چھوڑدونگا۔
یادرہےکہ نوبل انعام یافتہ محمدیونس نےگزشتہ سال عبوری سربراہ کاعہدہ سنبھالاتھا۔
واضح رہےکہ بنگلہ دیش میں کوٹہ سسٹم کےخلاف احتجاج کی وجہ سےوزیراعظم شیخ حسینہ واجدکی حکومت کاخاتمہ ہواتھا۔جس میں سیکڑوں افرادجان کی بازی بھی ہارگئے تھے۔ان حالات میں اُس وقت کی وزیراعظم شیخ حسینہ واجدکوبنگلہ دیش چھوڑکربھارت فرارہوناپڑاتھا۔
شیخ حسینہ واجد کے بھارت فرار ہونے کے بعد بنگلا دیش کے آرمی چیف نے ملک کی باگ دوڑ سنبھالی اور پھر طلبہ رہنماؤں اور دیگر اسٹیک ہولڈرز کی مشاورت سے ڈاکٹر محمد یونس کو عبوری سربراہ حکومت مقرر کیا گیا۔