ایل اوسی پربھارت کے50فوجی ہلاک،دشمن لاشیں اٹھا رہا ہے، عطاتارڑ

وفاقی وزیراطلاعات ونشریات عطااللہ تارڑ نےکہاہےکہ لائن آف کنٹرول پربھارت کے40سے50فوجی ہلاک کرچکےہیں،دشمن ایل اوسی پراب بھی اپنےفوجیوں کی لاشیں اٹھارہاہے۔

قومی اسمبلی میں اظہارخیال کرتےہوئےوفاقی وزیراطلاعات عطااللہ تارڑ کا کہنا تھاکہ بھارت نےبیک فٹ پرجاکرشرمندگی مٹانےکیلئےڈرونزبھیجناشروع کردیے،بھارتی میڈیانےپوری دنیاکودکھایاکہ پاکستان نے ہمارےجہاز گرائے ہیں،ہم نےایل اوسی پربریگیڈہیڈکوارٹرکوٹارگٹ کیا، بھارت نےعام شہریوں،خواتین اوربچوں کونشانہ بنایا۔
عطااللہ تارڑکامزیدکہناتھاکہ لائن آف کنٹرول پربھارت کے40سے50فوجی ہلاک کرچکےہیں،بھارت لائن آف کنٹرول پراب بھی اپنےفوجیوں کی لاشیں اٹھارہاہے،بھارت کےاسرائیل ساختہ ڈورنزکوایئرڈیفنس سسٹم سےہٹ کرکے گرایا،بھارت کااپناڈرون اپنےہی ملک میں گردوارےپرگرا،ہم نےبھارت کومنہ توڑجواب دیا۔
وفاقی وزیراطلاعات کاکہناتھاکہ ہم نےبھارت کےطیارےگرائے،فوجی ہلاک کئے،بھارتی پوسٹوں سے سفیدجھنڈالہراناپاکستان کی کامیابی کی نشانی تھی،بھارت اپنی خفت مٹانےکےلئےحکمت عملی تبدیل کررہاہے،پاک فضائیہ نےبھارت کےرافیل طیاروں کودھول چٹادی،رافیل گرنےکےبعدبھارتی فضائیہ کے حوصلے پست ہیں۔