بیرون ملک جا کر تعلیم حاصل کرنے کے خواہشمندپاکستانی طلبا کیلئے خوشخبری

پاکستان ٹوڈے: مراکش نے پاکستانی طلبا و طالبات کیلئے سکالرشپ کا اعلان کردیا۔۔۔پاکستانی طلباکو مراکش میں انڈر گریجویٹ، ماسٹرز اور پی ایچ ڈی کی تعلیم حاصل کرنے کے دوران سکالر شپ دی جائے گی۔

تفصیلات کے مطابق ہائر ایجوکیشن کمیشن پاکستان کے پورٹل پر مراکش کی سکالرشپ کیلئے درخواست دینے کی آخری تاریخ 10 مئی ہے۔ ایچ ای سی حکام کا کہنا ہے کہ طلبا آن لائن اپلائی کرنے کیلئے تمام تر ہدایات پرعملدرآمد یقینی بنائیں۔ ذرائع کے مطابق ایچ ای سی پر ڈیڈ لائن سے قبل درخواست جمع کرانا ضروری ہے، تاکہ طلبا و طالبات کو سکالرشپ آسانی سے مل سکے۔

اپلائی کرنے کے ابتدائی مرحلے میں درخواست گزاروں کی جانب سے درخواست کی پرنٹ کی گئی نقول (ہارڈ کاپیز) ضروری نہیں۔ اہلیت کا معیار پاکستان یا آزاد کشمیر کے شہری یا ایسے افراد جو پاکستان یا آزاد کشمیر کی مستقل شہریت رکھتے ہوں اپلائی کرسکتے ہیں، تاہم دوہری شہریت کے حامل افراد اپلائی کرنے کے اہل نہیں ہوں گے۔

تمام درخواست گزاروں کو مستند ایچ اے ٹی یا یو ایس اے ٹی ٹیسٹ سکور مہیا کرنا ہوگا، جبکہ اس ضمن میں مزید معلومات کیلئے ایجوکیشن ٹیسٹنگ کونسل کی ویب سائٹ ملاحظہ کی جاسکتی ہے۔