بےنظیرانکم سپورٹ پروگرام کی کارکردگی پرآئی ایم ایف وفدکااطمینان کااظہار

بےنظیرانکم سپورٹ پروگرام کی کارکردگی پربین الاقوامی مالیت فنڈز(آئی ایم ایف)کےوفداطمینان کا اظہار کیا۔
نیتھن پورٹرکی قیادت میں آئی ایم ایف وفد پاکستان میں حکومتی اداروں سے مذاکرات کےلئے اسلام آبادمیں موجودہے،آئی ایم ایف وفدکوآج اسلام آباد میں بےنظیرانکم سپورٹ پروگرام کےبارےمیں تفصیلی بریفنگ دی گئی جس پر وفد نے اطمینان کااظہارکیا۔
ذرائع کا بتانا ہے کہ بینظیر انکم سپورٹ پروگرام حکام نے آئی ایم ایف وفد کو رواں مالی سال کے پہلے 4 ماہ میں بی آئی ایس پی کی کارکردگی کے بارے میں آگاہ کیا۔
ذرائع کے مطابق وفد کو مستحقین کو پہلے 4 ماہ میں امداد کی فراہمی اور مالی مشکلات کےبارے میں بتایا گیا جس پر آئی ایم ایف حکام نے بی آئی ایس پی کی کارکردگی پر اطمینان کا اظہار کیا۔
واضح رہےکہ آئی ایم ایف کا وفد منی بجٹ کے خدوخال سمیت، ٹیکس ریونیو، تاجر دوست اسکیم اور توانائی شعبے میں اصلاحات کے حوالے سے مذاکرات کے لیے 11 نومبر کو پاکستان آیا تھا۔وفدپاکستان میں  15نومبرتک قیام کرےگا۔