تحریر کوویڈیو میں بدل دینے والا اے آئی ماڈل متعارف

تحریر کو ویڈیو میں بدل دینے والا نیا اے آئی ماڈل متعارف، مصنوعی ذہانت کی مدد سے تحریر سے ویڈیو بنانے کے حوالے سے نمایاں پیشرفت ،میٹا کامووی جن (gen) نامی اے آئی ماڈل کسی بھی تحریرکو حقیقت کے قریب تر نظر آنیوالی ویڈیومیں بدل سکتاہے۔
فیس بک اور واٹس ایپ جیسی دنیا کی معروف ایپلی کیشن کی مالک میٹا کمپنی نے دعویٰ کیا ہے کہ مووی جن اے آئی ماڈل تحریری ہدایات کی روشنی میں ویڈیوز بنانے کے ساتھ پہلے سے موجود فوٹیج یا ساکت تصاویر کو بھی ایڈٹ کرنے کی صلاحیت رکھتا ہے۔اس ماڈل کی تیار کردہ ویڈیو میں آڈیو بھی اے آئی ٹیکنالوجی پر مبنی ہوتی ہے ،جو ویڈیو میں دکھائے جانے والےماحول سے مطابقت رکھتی ہے۔
اس اے آئی ماڈل کو لائسنس مواد اور عوامی طور پر دستیاب ڈیٹا سیٹس کے امتزاج سے تربیت دی گئی ہے۔
میٹا کے چیف پراڈکٹ آفیسر کا کہنا ہے کہ اس اے آئی ماڈل کو جلد عام صارفین کیلئے جاری نہیں کیا جائے گا، کیونکہ ابھی اس سے ویڈیو تیار کرنے میں کافی وقت لگتا ہے اور یہ کافی پیچیدہ ماڈل ہے۔