پی ٹی آئی خیبرپختونخوا میں اختلافات کھل کرسامنے آ گئے،کارکن مایوس

تحریک انصاف کا مضبوط سیاسی قلعہ خیبر پختونخوا پارٹی میں اختلافات کا  مرکز بن کر سامنے آیا ہے۔جس سےپارٹی کارکن مایوسی کا شکار ہیں۔
پارٹی ذرائع کےمطابق وزیراعلیٰ خیبر پختونخوا علی امین گنڈا پور سمیت اعظم سواتی، تیمور جھگڑا، اسد قیصر اور دیگر رہنماوں کے اختلافات کے باعث پارٹی کارکن مایوسی کا شکار ہیں۔سپیکر کے پی کے بابر سواتی کے بارے میں بھی بعض پارٹی لیڈروں کے تحفظات سامنے آ رہے ہیں۔وزیر اعلیٰ علی امین گنڈا پور پارٹی کے اندر متعدد قائدین کے اعتماد سے محروم بتائے جا رہے ہیں۔
پارٹی ذرائع کاکہناہےکہ وزیر اعلیٰ کے پی کے پر الزام ہے کہ وہ وکٹ کے دونوں طرف کھیل رہے ہیں۔علی امین گنڈاپور اور صوبائی وزیر تیمور سلیم جھگڑا کے اختلافات دو طرفہ الزامات میں تبدیل ہو گئے ہیں۔اعظم سواتی نے بانی پی ٹی آئی سے ملاقات میں سپیکر کے پی کے اسمبلی بابر سواتی کے خلاف شکایتوں کے انبار لگا دئیے۔وزیر اعلی علی امین گنڈا پو نے بانی پی ٹی آئی سے تیمور جھگڑا کے خلاف کرپشن الزامات کی تحقیقات کی اجازت لے لی ہے۔
پارٹی ذرائع کامزیدکہناہےکہ پارٹی کا مرکزی وٹس ایپ گروپ داخلی انتشار کے حوالے سے اکھاڑہ بنا ہوا ہے۔پارٹی کور کمیٹی نے بھی پارٹی ٹکٹوں کے حوالے سے علی امین گنڈا پور کے بیانات کا نوٹس لے لیا ہے۔ آنے والے دنوں میں کے پی کے کابینہ میں اکھاڑ ہچھاڑ ہو سکتی ہے۔
اپوزیشن اتحاد کے ذرائع کےمطابق دوسری جانب حکومت مخالف اپوزیشن اتحاد نے جے یو آئی کو اپوزیشن کیمپ میں لانے کی کوششیں تیز کر دی ہیں۔ شاہد خاقان عباسی اور سردار مہتاب خان کی گزشتہ روز مولانا فضل الرحمان کے ساتھ ملاقات کو ٹرننگ پوائنٹ قرار دے رہے ہیں۔