ترکیہ میں قیامت خیززلزلہ:متعددعمارتیں مہندم

ترکیہ کےصوبےبالیکسیرمیں6.1شدت کازلزلہ آنےسےمتعددعمارتیں ملبےکاڈھیربن گئیں۔
غیرملکی خبرایجنسی کی رپورٹ کےمطابق ترکیہ کےمغربی صوبےبالیکسیر میں 6.1شدت کازلزلہ آنے سےہرطرف تباہی کامنظرنظرآرہاہے۔ زلزلے کے جھٹکے استنبول سمیت 11صوبوں میں محسوس کیےگئے،جس کےباعث متعددعمارتیں منہدم ہوگئیں۔
ترکیہ کا صوبے بالیکسیر 6.1 شدت کے زلزلے سے لرز اٹھا، جرمن ریسرچ سینٹر فار جیوسائنسز کے مطابق اس زلزلے کی گہرائی 10 کلومیٹر ریکارڈ کی گئی۔
ترک میڈیا کے مطابق زلزلے کے بعد 4.6 اور 4.1 شدت کے آفٹر شاکس بھی محسوس کیے گئے۔
ترک ڈیزاسٹر منیجمنٹ اتھارٹی کا بتانا ہے کہ استنبول سمیت 11 صوبوں میں زلزلے کے جھٹکے محسوس کیے گئے، زلزلے کا مرکز صوبہ بالیکسیر کے ضلع سندرگی میں تھا، زلزلے سے 10 سے زائد عمارتیں گرنےکی اطلاع ہے۔
ترک وزیر داخلہ علی یرلیکایا کا کہنا تھا کہ ریسکیو ادارے اور دیگر متعلقہ محکموں نے فوری طور پر متاثرہ علاقوں میں سروے شروع کر دیا ہے تاکہ ممکنہ نقصان کا جائزہ لیا جاسکے اور عوام کی حفاظت کو یقینی بنایا جا سکے، علی یرلیکایا نے کہا کہ ہم صورتحال کو لمحہ بہ لمحہ مانیٹر کر رہے ہیں۔