جاتی سردی پھر لوٹ آئے گی؟ محکمہ موسمیات کی بارشوں کی پیشگوئی

سردی ابھی گئی نہیں،محکمہ موسمیات نے ایک مرتبہ پھر بارشوں کی پیشگوئی کر دی ۔
محکمہ موسمیات کے مطابق 19 سے 21 فروری کے دوران تیز ہواؤں اور گرج چمک کیساتھ بارشیں ہوں گی۔
محکمہ موسمیات کا کہنا ہے کہ ملک کے بالائی اور شمالی علاقہ جات سمیت پنجاب کے مختلف شہروں میں بارشیں متوقع ہیں۔اس دوران پہاڑوں پربرفباری کا بھی امکان ہے۔
محکمہ موسمیات کا کہنا ہے کہ سردی ابھی گئی نہیں اور بارشیں ہونے کی صورت میں جاتی سردی ایک مرتبہ پھر لوٹ آئے گی۔
موسم کاحال بتانےوالوں کاکہناہےکہ وفاقی دارالحکومت اسلام آبادمیں موسم سرداورمطلع جزوی ابرآلودرہنےکاامکان ہے،سندھ،خیبرپختونخوامیں موسم سرداورخشک رہےگا،چترال،دیر،سوات،بونیرمیں ہلکی برفباری متوقع ہے۔
محکمہ موسمیات کےمطابق بلوچستان ،پنجاب میں موسم سرداورمطلع جزوی ابرآلودرہےگا،بھکر،لیہ،ڈی جی خان اوربہاولپورمیں بونداباندی کاامکان ہے،مری،گلیات میں موسم سرداورمطلع جزوی ابرآلودرہےگا۔